Ministru Agrikultura no Peskas Joaquim José Gusmão dos Reis Martins. Foto António Goncalves.

DILI, 26 jullu 2019 (TATOI)-Ministru Agrikultura no Peska, Joaquim José Gusmão dos Reis Martins, hatete Ministériu Agrikultura no Peska (MAP) sei apoia rede ba peskadór sira, nune’e peskadór sira bele halo atividade peska ho di’ak.

“Ba fasilidade sira ne’e, ministériu sei la apoia barak, mas uitoan, signifika peskadór sira ne’ebé maka presiza duni maka MAP sei fó ”, Ministru Joaquim dehan iha Komoro, ohin.

Governante ne’e ladún lembra rede hira maka sei fó ba peskadór sira, maibé nian parte promete sei ajuda rede iha tinan ida ne’e.

Diretór Ezekutivu Luta Hamutuk, José Alves, apoia polítika Governu nian ne’ebé maka atu suporta peskadór sira.

“Ita nian Governu presiza apoia ba peskadór sira, nune’e bele halo sira nian atividade peska, bele kontribui ba rendimentu família nian”, José katak.

Nia rekomenda, ba oin MAP tenke apoia mós grupu agrikultór, nune’e bele fortifika iha área agrikultura, oinsá atu insentiva grupu sira hodi halo serbisu.

Jornalista : Natalino Costa

Editora : Maria Auxiliadora

HAKEREK NO HATÁN

Please enter your comment!
Please enter your name here