Imajen Google

DILI, 25 jullu 2019 (TATOLI)—Prezidente Federasaun Futeból Timor-Leste (FFTL), Francisco Gerónimo informa dezde nia asumi kargu Prezidente FFTL, kada fulan sempre aloka osan $1000 ba Asosiasaun Futeból Munisipíu ida-idak.

Osan ne’ebé aloka ne’e ho intensaun bele tulun serbisu asosiasaun nian no prepara mós ba eventu jogu munisípiu ne’ebé sei hala’o fulan ida ne’e nia laran.

“Hanesan prezidente ne’ebé loro-loron mai serbisu iha fatin ida ne’e, hahú hosi primeiru ha’u tama iha ne’e, sempre aloka osan $1000 ba asosiasaun hotu iha munisípiu,” dehan Francisco Geronimo ba Agênsia Tatoli iha edifisiu FTTL, Bairru Formosa, ohin.

Nia esplika, osan hirak ne’ebé FFTL haraik ba asosiasaun sira la’ós aloka hosi Governu maibé esforsu FFTL nian.

“Osan sira haruka ba asosiasaun sira la mai hosi Governu. Osan hirak ne’e ami ba buka kadi kakutak hodi konvense FIFA (The Fédération Internationale de Football Association) no AFC (Asian Football Confederation) foin sira fó ajuda,” nia haktuir.

Jornalista: Hortencio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here