Diretor Ezekutivu NGO BELUN ho ninia parseiru sira hasai foto hamutuk iha edifisiu Ministeriu Interior, Villa Verde Dili, Imajen TATOLI :Ozoria A. Marques

DILI, 25 jullu 2019 (TATOLI)-Organizasaun Noun Governamentál (NGO) BELUN hamutuk ho ninia parseiru dezenvolvimentu no governu  liuhosi projetu atensaun no responde (Atres) sei kontinua halo prevensaun ba númeru  krime iha rai laran hodi hametin estabilidade nasionál ba apoiu prosesu dezenvolvimentu.

Liuhosi aprezentasaun relatóriu Trimestrál fulan Abríl to’o Juñu, ne’ebé hala’o   Kuarta (24/07/2019), Diretór BELUN, Luis da Costa  Ximenes,  relata ninia parte sei kontinua rejista kazu krime iha munisípiu haat hamutuk kazu  158, kazu insidente iha Dili hamutuk 68, Munisípiu Baucau ho porsentu 32, Covalima porsentu 13 no Rejiaun Autónomu Administrativu Oe-Cusse  Ambeno (RAEOA) porsentu 13.

“Kada fulan tolu BELUN sempre halo enkontru hamutuk ho parseiru sira hodi troka ideia tau hanoin hamutuk hodi haree ba rekursu  no prevensaun  krime no konflitu,” hateten Diretór Ezekutivu BELUN iha Edifísiu Ministériu Interior, Villa Verde, Dili.

Luis da Costa Ximenes klarifika hosi total kazu insidente ne’e  deskobre kazu ódiu no vingansa to’o mosu krime, violénsia doméstika, violénsia bazeia ba Jéneru, abuzu seksuál no konflitu entre grupu deskoñesidu.

Nia dehan, iha Munisípiu Dili, ekipa peskiza konsege halo monitorizasaun ba Postu Administrativu neen hanesan Atauro, Dom Aleixo, Kristu Rei, Metinaro, Na’in Feto no Vera Krús durante fulan Abríl to’o Juñu.

Serimónia aprezentasaun ne’e partisipa hosi NGO Nasionál, NGO Internasionál, Polisia Nasionál Timor-Leste(PNTL), FALINTIL-FDTL, Korpu Diplomátiku, reprezentante relijiozu no juventude sira.

Jornalista : Ozória A.Marques

Editór       : Francisco Simões

HAKEREK NO HATÁN

Please enter your comment!
Please enter your name here