Xanana ho Wiranto asina akordu fronteira terrestre iha Jakarta, Segunda (22/07/2019). Imajen/Embaixada TL iha Indonézia

DILI, 24 jullu 2019 (TATOLI)-Organizasaun Naun Governamentál (ONG), Luta Hamutuk, kongratula Xefe Negosiadór Prinsipál ba Fronteira Timor-Leste, Kay Rala Xanana Gusmão, ho nia ekipa, ba esforsu hotu hodi konvense Governu Indonézia atu termina akordu fronteira terrestre entre Timor-Leste ho Indonézia.

Diretór Ezekutivu Luta Hamutuk, José Alves da Costa, ohin, iha Dili, hateten, hakarak ka lakohi, povu hotu merese nia agradesimentu ba Xanana ba sakrifisiu no esforsu hodi hakat tan pasu ida ba prosesu determinasaun soberania total povu Timor-Leste nian.

Husi parte seluk, Diretór NGO Belun, Luis da Costa Ximenes,  rekoñese esforsu ne’ebé lider karizmátiku Kay Rala Xanana Gusmão,  ho ninia ekipa hala’o  konsege rezolve liña fronteira rai entre  nasaun rua.

“Nu’udar  Timoroan ha’u hanoin ida ne’e fó vantajen ba Timor-Leste  liga   ba iha direitu ne’ebé finaliza entaun bele iha movimentu no dezenvolvimentu rural,” hateten Luis da Costa Ximenes.

Notísia Relevante : Finaliza Tiha Akordu Fronteira Terrestre, TL-RI Kontinua Ba Diskusaun Fronteira Marítima

Jornalista          : Nelson de Sousa

Editór                : Francisco Simões

HAKEREK NO HATÁN

Please enter your comment!
Please enter your name here