DILI, 24 jullu 2019 (TATOLI) – Veteranu Antonio Aitahan Matak, husu ba Estadu Timor Leste (TL) atu kontinua aproveita didi’ak  poténsia karizmátiku Xefe Negosiadór Prinsipál ba Delimitasaun Fonteira Timor-Leste, Kay Rala Xanana Gusmão, tanba nia ema ida ne’ebé mak jéniu, karizmátiku, espertu, koñesidu no úniku.

“Ha’u husu ba Estadu atu aproveita ema hirak nee, liuliu maun Xanana ninia tempu, matenek no koñesidu atu bele resolve lalais tiha disputa fronteira marítima no terrestre ho nasaun viziñu Australia no Indonézia,” hateten Antonio Aitahan Matak, ohin, ba Ajénsia TATOLI, iha Tribunal Distritál Dili.

Aitahan  Matak  dehan, mundu internasionál no figura potensiál internasionál barak fiar no koñese didi’ak maun boot  Xanana nia kapasidade atu lori nia povu no nasaun ba ne’ebé bainhira ko’alia kona ba negosiasaun rai no tasi no soberania Timor-Leste nian.

“Ha’u hanoin ba Xanana, atu hasoru ,se-se de’it la difisil, hanesan ohin nia bele hasoru B.J. Habibe, Wiranto no  lider mundiál sira seluk hanesan kolega baibain, karik ba ema seluk  difisil, mas ba Xanana fasil tebes,” hateten Antonio Aitahan Matak, antiga Koordenadór Jerál CPD-RDTL.

Nu’udar veteranu, Antonio Aitahan Matak, kontinua fó apoiu ba Komandante Ein-Xefe das FALINTIL, Kay Rala Xanana Gusmão, ho nia ekipa ne’ebé mak kontinua fó ninia dedikasaun ba soberania total povu Timor-Leste nian.

Jornalista          : Domingos Piedade Freitas

Editór                 : Francisco Simões

HAKEREK NO HATÁN

Please enter your comment!
Please enter your name here