Jogadór rua Anizio Correira, hanesan avansadu husi FC Lero no Albino Ximenes hanesan Guarda rede prinsipál husi Kablaki FC nian. Imajen Espesial

DILI, 24 Jullu 2019 (TATOLI) – Jogadór prinsipál rua hosi klube Kablaki no FC Lero, daudauk ne’e hamutuk ona ho Ponta Leste hodi reforsa ekipa ne’e iha jogu segunda volta époka ida ne’e.

Jogadór rua ne’e mak, Anizio Correia, hanesan avansadu husi FC Lero no Albino Ximenes hanesan Guarda rede prinsipál husi Kablaki FC nian.

Koordenadór Ponta Leste, Osório da Costa Florindo, hateten kona-ba prosesu ba jogadór rua ne’e, Ponta Leste submete ona karta ba Liga Futeból Amadora (LFA) no Federasaun Futeból Timor-Leste (FFTL), nune’e iha tempu besik jogadór rua ne’e bele joga ona iha Ponta Leste.

“Ami iha jogadór rua ne’e deit no sei iha posibilidade aumenta jogadór seluk, maibé sei prosesu hela. Asina ona kontratu ne’e mak sira nain rua,” dehan Osório ba Agênsia Tatoli iha edifisiu FFTL Bairru Formoza, kuarta ne’e.

Alende jogador rua ne’e, Ponta Leste mós sei ‘fihir’ tan jogadór lokál balun hosi klube seluk maibé sei iha hela prosesu negosiasaun nia laran no seidauk bele fó sai ba públiku.

Nia informa, kontratu ba jogador rua ne’e to’o tinan lima, enkuantu Albertino husi klube Ponta Leste impresta deit bainhira jogu termina, nia sei bele fila hikas ba Kablaki iha tinan oin.

Jornalista: Hortencio Sanchez 

Editór: Xisto Freitas

HAKEREK NO HATÁN

Please enter your comment!
Please enter your name here