Sekretária Jeral Ministerio Agrikultura no Peskas (MAP) Cesar Jose da Cruz,Imajen/Egas Cristovão

DILI, 23  jullu 2019 (TATOLI)-Ministériu Agrikultura no Peska (MAP) kria  ona ekipa task force atu halo kontrolu ba kualidade kafé iha Timor-Leste.

Sekretáriu Jerál MAP, Cesar José da Cruz, hatete objetivu prinsipál kria ekipa ne’e atu haree kafé ne’ebé maka iha Timor-Leste, antigu ona no nia produsaun menus, nune’e tenke tau-atensaun ba nia produtividade no produsaun iha rai-laran.

“Tanba ne’e maka ita forma task force  ida ne’e  ho forsa traballu husi ajénsia hotu ne’ebé maka envolve aan iha kafé, hamutuk ho Ministériu Agrikultura no Peska liuhusi diresaun jerál floresta, kafé no planta industriál, ita atu haree ida ne’e”, Cesar José da Cruz ba jornalista sira hafoin remata enkotru iha salaun MAP Komoro, ohin.

Nia dehan liuhusi enkontru task force ne’e, atu haree no diskute kona-ba ekipa nian serbisu oinsá no atu halo saida, nune’e bele prepara di’ak liután hodi haree kafé ne’ebé sai setór importante iha Timor-Leste.

Polítika MAP klaru katak produtu kafé ne’e tenke hadi’a, tanba ne’e maka MAP daudaun ne’e esforsu hela, buka meiu oioin hodi servisu ho parseiru sira hodi apoia ba iha área kafé nian, oinsá hadi’a kualidade no kuantidade kafé iha Timór.

MAP husu ona ba iha parseiru hotu atu tama hotu iha ekipa task force ida ne’e atu  tulun malu, nune’e bele haree kualidade produsaun kafé iha rai-laran.

Cesar José da Cruz dehan, mekanizmu atu hadi’a kualidade produsaun kafé iha rai-laran mak liuhusi polítika no vizaun ne’ebé iha, nune’e tenke forma ekipa task force no mós identifika frakeza no nia obstákulu saida, nune’e foti desizaun ruma kona-ba produsaun kafé.

Nia salienta MAP sei tau osan hodi haree oinsá maka bele foka liu ba área kafé nian.

Jornalista : Natalino Costa

Editora : Maria Auxiliadora

1 KOMENTÁRIU

  1. MAP nunka kolia konaba produto seluk hanesan nu’u (kopra), kami’i.
    Tinan-tinan kolia deit konaba kafe mak lapara rai tia deit

HAKEREK NO HATÁN

Please enter your comment!
Please enter your name here