Diretór Avelino Fernandes Ximenes Pereira. FOTO TATOLI: Nelia Rosario

DILI, 22 jullu 2019 (TATOLI)-Timor-Leste nu´udar membru organizasaun luzofona tanba ne´e sei sai mós uma na´in ba jogu CPLP (Comunidade dos Países da Língua Portuguesa) ne´ebé sei realiza iha 2020.

“Objetivu jogu desportivu CPLP atu hametin relasaun entre sidadaun CPLP em particular juventude, desportu CPLP nian,” hateten Diretór Jerál Asuntu CPLP, Avelino Fernandes Ximenes Pereira, ba Ajénsia TATOLI, iha nia kna’ar fatin, MNEK, Praia dos Coqueiros, Dili, tersa (23/07/2019).

Atividade desportiva ne´e responsabiliza husi Sekretáriu Estadu Juventude no Desportu (SEJD). “Organiza jogu desportiva ida ne’e, sei husi ita-nia Sekretáriu Estadu Juventude Desportu Timor-Leste. Jogu desportivu ida ne’e atu hametin lasu amizade, entre juventude CPLP nian”.

Nia informa, preparasaun ba atividade ne´e hala´o ona. “Infelizmente ha´u la partisipa, la konvidadu partisipa iha reuniaun ne’e, reuniaun ne’e natoon la prienxe quorum,, entaun sira hanesan enkontru informál de’it, maibé sira-nia preparasaun sei koordena nafatin ho país CPLP oinsá sei organiza jogu desportivu ne’e”.

Notísia relevante: http://www.tatoli.tl/2019/04/tl-preparadu-sai-uma-nain-ba-jogu-cplp/

http://www.tatoli.tl/2019/02/mejd-halao-enkontru-preparasaun-ba-jogu-cplp/

Jornalista: Nelia Fernandes

Editór       : Rafy belo

HAKEREK NO HATÁN

Please enter your comment!
Please enter your name here