Ministru Agrikultura no Peska, Joaquim José Gusmão dos Reis Martins. Imajen/Egas Cristovão

DILI, 25 jullu 2019 (TATOLI)-Ministru Agrikultura no Peska (MAP), Joaquim José Gusmão dos Reis Martins, hatete atu fasilita di’ak liután ema ne’ebé hakiak Karau maka Governu planeia ona atu loke tan matadouru iha kapitál Dili.

“Iha Timór, ita-nia matadouru ida de’it, ne’ebé maka iha Tibar. Agora, iha ona hanoin atu loke tan matadouru seluk atubele ajuda liután ita-nia ema ne’ebé hakiak karau, nune’e labele oho de’it iha li’ur, más bele uza fasilidade ne’ebé Governu oferese, atubele oferese na’an di’ak ba povu”, dehan Joaquim José Gusmão dos Reis hafoin kolleita manu Broiler iha Aldeia Rai-Kuak, Suku Lahane Osidentál, segunda ne’e.

Nia afirma, daudaun ne’e matadouru iha fatin ida de’it maka iha Tibar, maibé la sufisiente, nune’e planeia ona atu loke tan ida.

Aleinde ne’e, Ministru MAP rekoñese katak sei hasoru dezafiu barak hodi hasa’e produsaun animál iha rai-laran, liuliu iha haki’ak manu, tanba to’o agora iha Timór seidauk iha fatin própriu ida ba haki’ak manu,  nune’e na’an manu sei importa hosi rai-li’ur mai.

“Ami hasoru dezafiu barak, maibé ami koko atu ultrapasa dezafiu sira ne’e hotu, hanesan produsaun animál to’o hakiak manu seidauk iha, tanba ne’e sei importa hosi Indonézia”.

Jornalista: Antónia Gusmão

Editora : Maria Auxiliadora

HAKEREK NO HATÁN

Please enter your comment!
Please enter your name here