Diretór Ezekutivu SERVE,IP, Florêncio Sanches. Imajen/Egas Cristovão

DILI, 22 jullu 2019 (TATOLI) – Diretór Ezekutivu Serbisu Rejistu Verifikasaun Emprezariál (SERVE), Florêncio Sanches, hatete fa’an ai-moruk herbal nu’udar atividade ekonómika, nune’e tenke rejistu iha SERVE tuir dekretu lei númeru 34/2017.

“Dekretu lei númeru 34/2017 permite ema fa’an ai-moruk herbal. Katak, atividade ne’e SERVE lalais relata ba Minsitériu Saúde, nune’e Ministériu Saude bele haree no utiliza  nia kompeténsia tomak hodi hateten fali mai SERVE iha loron 10 nia laran, bele ka lae ai-moruk ne’e atu fa’an iha teritoriu laran tomak”, esplika Diretór Ezekutivu SERVE ba TATOLI iha nia kaar fatin, Matadoru, ohin.

Diretór ne’e hatutan tinan tolu ba kotuk instituisaun rua (ministériu saúde no SERVE) halo kooperasaun no serbisu hamutuk ho di’ak tebes maibé atividade %100 kompeténsia husi Ministériu Saúde nian.

Nia dehan pedidu rua ne’e tama SERVE tenke relata tuir dekretu lei no MS tenke utiliza kompeténsia bele ka labele hodi hateten fali ba SERVE katak, emite kompañia sira-nia sertifikadu ka lae, ne’e kompeténsia Ministériu Saúde nian.

“Tanba ne’e mak parte husi SERVE nian halo hela utilizasaun dadus sira no parte husi ministériu saúde, ami hamutuk reuniaun, sira mós fó hela dadus ba SERVE kona-ba kompañia sira ne’ebé hetan rejistu husi SERVE maibé hetan ona autorizasaun husi Governu atu bele halo atividade ka lae”, katak.

Nia dehan MS mós fó dadus ba SERVE katak la’ós fa’an ai-moruk herbal de’it maibé ai-moruk hotu-hotu, maizumenus hamutuk 100 resin, ne’e husi teritoriu Timor tomak.

Jornalista: Felicidade Ximenes

Editór: Rafi Belo

HAKEREK NO HATÁN

Please enter your comment!
Please enter your name here