Estrutura LFA hala’o konferénsia imprensa iha salaun Xanana Sport Center, Bairru Formosa, Dili, ohin. Imajen Tatoli/Hortençio Sanchez

DILI, 22 jullu 2019 (TATOLI)—Diretór Administrasaun Planeamentu Finansa Liga Futeból Amadora (LFA), Adolmado Soares Amaral, hateten Liga iha kada époka presiza gasta orsamentu rihun $750 .

“Kada époka hakarak lakohi tenke gasta rihun $750 hodi organiza atividade tomak hanesan orsamentu rihun $350 ita hetan hosi Governu, rihun $150 ita hetan hosi Federasaun Futeból Timor-Leste (FFTL) no rihun $150 mak órgaun ezekutivu LFA tenke buka liuhosi patrosinadór sira,” diretór ne’e esplika liuhosi konferénsia imprensa ne’ebé hala’o iha salaun Xanana Sport Center, Bairru Formosa, Dili, ohin.

Nia hatutan, dadaun ne’e orsamentu hosi patrosinadór seidauk to’o. Tanba ne’e, LFA kontinua esforsu hodi husu tulun ba patrosinadór atu sustenta Liga refere bele la’o to’o rohan.

Tuir lei orsamentál ne’ebé pursentu 100 hosi Governu, entaun orsamentu ne’ebé tulun hosi patrosinadór tenke halo relatóriu hatama ba konta Governu, hatán ba kestaun ne’e, parte LFA sei prepara relatóriu hotu durante époka haat ne’ebé hala’o ona hodi aprezenta iha kongresu ne’ebé sei realiza iha tempu besik.

Jornalista: Hortencio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here