Jurista José Pedro Camões. Imajen/Domingos Piedade Freitas

DILI, 19 jullu 2019 (TATOLI) – Suspeitu no autór sira ne’ebé envolve iha kazu omisídiu hodi rezulta João Bosco Batista Colo Batan  mate iha Jogjakarta, Indonézia, foin lalais ne’e, bele hetan pena morte tuir lei Indonézia nian.

Jurista José Pedro Camões hateten, dala uluk nia hato’o sentidu kondolénsia ba família boot Oe-Cusse ne’ebé mak lakon ona nia oan matebian Bosco, no nu’udar Timor oan, José Pedro Camões, lamenta mós ba aktu estudante timoroan sira seluk ne’ebé mak estraga fali ema seluk nia vida.

“Agora, di’ak liu konsentra uluk liu ba iha prosesu funerál matebian nian, maibé la signifika katak prosesu investigasaun mós paradu, tanba krime nee akontese iha Jogjakarta, Indonézia mak prosesu hot-hotu halo iha Indonézia,” hateten José Pedro Camões.

Nia hateten, Indonézia nia lei  kona-ba krime omisídiu forte tebes,  tanba ne’e, suspeitu ho autór sira ne’ebé envolve iha kazu ne’e bele hetan pena morte.

Hatán kona ba suspeitu na’in 8 ninia envolvimentu iha krime saida mak  iha lei Indonézia nian bele nia aplika ba sira, José Pedro Camões, hateten, talvés krime sekuestra katak suspeitu hirak nee kaer vítima no habadak ninia vida.

“Enkuantu, hasai ona ema seluk nia vida mak nee sei todan,” afirma Pedro Camões ba Ajénsia TATOLI, ohin, iha Tribunál Distritál Dili (TDD).

José Camões mós fiar katak, suspeitu mós labele halai mai iha Timor, tanba depois de akontesimentu nee polisia Indonesia sira lansa informasaun ba malu atu deteta ema hirak nee.

“Ha’u husu ba estadu rua nee tenke buka meius hot-hotu atu ajuda fasilita prosesu investigasaun hodi hatene loloos problema nia fukun,” tenik José Pedro Camões.

Nu’udar Timoroan, nia sente triste ho akontesimentu trájiku ne’e, maibé apela ba timoroan hotu iha rai li’ur presiza ajuda malu nu’udar estudante timor oan, la’ós buka malu no ódiu malu too akaba ran maluk nia  vida.

Notísia Relevante : PM Taur Lamenta ho Kazu Asasinatu Hasoru Bosco

Jornalista   : Domingos Piedade Freitas

Editór            : Francisco Simões

2 KOMENTÁRIU

  1. Oinsa suspeito balun nebe hali mai iha timor no PNTL kaptura karik intrega ba indonesia mak prosesa ga???
    Prosesa iha timor

  2. Tuir hau nia hanoin kona ba suspeitu nebe halai mai Timor Leste, krik PNTL kaer, tenki entrega fli ba Indonesia mk prosesa tuir lei Indonesia nian tamba kazu ne akontese iha Indonesia laos iha Timor Leste tamba nee prosesa tuir lei Indonesia nian,.

Leave a Reply to Abilio caiboe mausiba junior Cancel reply

Please enter your comment!
Please enter your name here