Ministru Estadu Prezidénsia Konsellu Ministru, Hermenegildo Augusto Cabral Pereira. Imajen dok.TATOLI

DILI, 18 jullu 2019 (TATOLI)-Ministru Estadu Prezidénsia Konsellu Ministru (MEPKM), Hermenegildo Augusto Cabral Pereira “Agio Pereira”, hatete bainhira Timor-Leste no Austrália ratifika ona tratadu Fronteira Marítima (FM), sei lori ekonomia Timor-Leste (TL) tama iha kontestu ekonomia sosiál iha nivel mundiál.

“Definisaun hosi fronteira marítima sira ho Austrália, tuir direitu internasionál, sei permite, la’ós de’it tau Timor-Leste iha pozisaun hosi kontestu ekonómiku-sosiál iha nivel mundiál, maibé fó mós poténsia ba dezenvolvimentu sustentável no ekilibradu ba ita-nia joven nasaun”, Agio dehan iha Parlamentu Nasionál, ohin.

Agio Pereira afirma, Governu Konstitusionál Daualuk hosi Repúblika Demokrátika Timor-Leste (RDTL) prosede, ohin, ba aprezentasaun no diskusaun kona-ba ratifikasaun hosi tratadu entre RDTL no Austrália ne’ebé estabelese respetiva Fronteira Marítima sira no pakote lejizlativu ne’ebé presiza hodi permite Timor-Leste alkansa soberania iha Tasi Timór. Fó kontribuisaun ba konstrusaun hosi futuru ida ne’ebé prósperu ba Timor-Leste hotu.

“Definisaun hosi fronteira sira sei permite, laiha dúvida ruma sira, haforsa negósiu sira no investimentu estranjeiru sira, haboot tan postu traballu sira no dezenvolve, entre sira seluk, peska no turizmu sira-nia setór” Agio haktuir.

Reprezentante Governu ne’e subliña, ho sentidu hodi konsolida ninia soberania no define Fronteira Marítima, sira-ne’ebé permanente entre Estadu rua ne’e, Timor-Leste hahú ona prosesu hosi konsiliasaun obrigatóriu ho Austrália, iha 11 abríl 2016, ho abrigu hosi Aneksu V hosi Konvensaun Nasaun Unida kona-ba Direitu hosi Tasi.

Iha 25 juñu 2016, konstitui ona Komisaun Konsiliasaun ida, ne’ebé asiste parte sira hodi hetan solusaun globál ida ne’ebé negosia hodi disputa kona-ba delimitasaun permanente hosi respetiva Fronteira Marítima sira.

Liu tiha loron 22, fulan sira hosi negosiasaun, iha 6 marsu 2018, reprezentante hosi Timor-Leste, Agio Pereira, momentu ne’ebá nu’udar Ministru Estadu ba Delimitasaun Fronteira, no Austrália reprezenta hosi Ministra Negósiu Estranjeiru, Julia Bishop, asiste hosi Sekretáriu Jerál Organizasaun Nasaun Unidas (ONU), António Guterres, asina ona Tratadu entre Timor-Leste no Austrália ne’ebé estabelese respetiva Fronteira Marítima sira iha Timór nia Tasi, iha Nova Iorke.

Notísia relevante : TL-Austrália Asina Ona Tratadu Ketan Tasi

TIMOR GAP Hahú Projetu Downstream-Upstream iha 2021

Jornalista : Antónia Gusmão

Editora : Maria Auxiliadora

HAKEREK NO HATÁN

Please enter your comment!
Please enter your name here