Primeiru-Ministru, Taur Matan Ruak. Imajen/Antonio Goncalves

DILI, 18 jullu 2019 (TATOLI)—Primeiru-Ministru (PM), Taur Matan Ruak lamenta tebes ho asaun joven timoroan sira ne’ebé deskonfia involve iha asasinatu hasoru Joao Bosco Batista Colo Batan iha Jogjakarta, Indonézia, foin lalais ne’e.

Preokupasaun ne’e PM Taur espresa, hafoin enkontru semanál ho Prezidente Repúblika (PR), Francisco Guterres Lú Olo, iha Palásiu Prezidente Nicolau Lobato, Bairru Pite, Dili, kinta ne’e.

‘‘Ha’u lamenta loos ho akontesimentu ne’e, tanba ne’e ha’u apela ba joven sira, fó atensaun ka hadomi ita-nia moris. Sente katak ita mai mundu ne’e ita-nia inan aman terus boot, tanba ne’e husik ba Maromak mak hasai ita-nia moris,” Taur lamenta.

Taur fiar katak timoroan hotu ne’ebé oras ne’e hela iha Timor no iha estranjeiru iha komportamentu di’ak no ema uituan liu mak iha komportamentu aat.

Sira ne’ebé komportamentu aat, tuir nia, inklui sira ne’ebé involve iha kazu asasinatu iha Jogjakarta foin lalais ne’e no nia konsidera hafo’er ona nasaun Timor-Leste nia naran iha mundu.

Jornalista: Cipriano Colo

Editor: Xisto Freitas

Notísia relevante:

Aban, Mate Isin Bosco To’o Timor

Estadu Fasilita Transladasaun Mate Isin Bosco Mai TL

POLRI Buka Tuir Nafatin Autór Na’in Tolu Ne’ebé Subar Bosco

HAKEREK NO HATÁN

Please enter your comment!
Please enter your name here