Reitór IOB, Augusto Soares. Foto: Portal IOB

DILI, 18 jullu 2019 (TATOLI) – Ensinu superiór privadu, Institute Of Bussiness (IOB)-Exelência e Preferência, apresia governu liuhusi Ministeriu Ensinu Superiór Siénsia Kultura (MESSK) ba apoiu formasaun língua portugeza iha institutu privadu sira.

Reitór IOB, Augusto Soares hateten katak programa formasaun lian portugéz ba dosente sira iha IOB konklui tiha ona molok governu loke oportunidade ba institutu privadu sira no apresia planu no programa VIII Governu Konstitusionál nian ne’ebé hahú fo atensaun ba institutu privadu sira atu hetan formasaun lian portugés hodi reforsa prosesu aprendizajen iha instituisaun nia laran.

“Ha’u apresia governu nina programa ne’e. Maibé, ha’u hakarak dehan mezmu governu atu fó apoiu ka lae, IOB ninia programa kursu lian portugés ne’e hala’o tiha ona signifika governu atu reforsa tan de’it saida mak IOB hala’o tiha ona,” hateten reitór IOB, Augusto da Conceição Soares iha edifísiu MESSK, kinta (18/07/2019).

Nia hatutan, atensaun MESSK nian ne’ebé halo ona kontratu ho profesór na´in lima atu reforsa kursu lian portugés ba dosente sira iha institutu privadu sira tenke iha ninia rezultadu. Kontinuasaun ba oin, tenke nafatin atu nune’e bele hasa’e nafatin kapasidade no abilidade dosente sira nian.

“Ha’u iha esperansa boot karik kursu portugés ba dosesnte sira ne’e tenke iha ninia kontinuasaun. Signifika dosente sira ne’ebé mak hetan kualifikasaun di´ak ka mellor tenke kontinua ninia formasaun ba rai li´ur,” friza akadémiku ne´e.

Nia konsidera, oportunidade ne’e importante duni para dosente sira ne’e bele aprende liután portugés ao mesmo tempu bele mós aprende tan siénsia.

“Tan ne’e kursu portugés ne’ebé mak sei realija iha tinan ida ne’e ho esperansa bo’ot bele lori benefísiu direita ba dosente sira,” espera Reitór IOB, Augusto Soares.

Notísia relevante: http://www.tatoli.tl/2019/07/messk-oferese-profesor-lima-apoiu-institutu-privadu-10-iha-lingua-portuges/?fbclid=IwAR3GTBXfVUvrrm-IHEdlMT_A2FpYspcH-cOYqkChUXyRCA9l5YrsEEsAWIA

https://www.iob-tl.com/

Jornalista : Tomé Amado

Editór      : Rafy Belo

HAKEREK NO HATÁN

Please enter your comment!
Please enter your name here