Negosiadór Prinsipál, Xanana Gusmão, bainhira aprezenta alterasaun Lei Haat iha Parlamentu Nasionál. Imajen dok. Tatoli

DILI, 17 jullu 2019 (TATOLI)—Prezidente Autoridade Nasionál Petróliu no Minerál (ANPM), Gualdinho da Silva, hateten maski kampu Laminaria la tama liña Timor-Leste, maibé porsaun balun iha kampu ne’e sei pertense fronteira Tasi Timor.

“Kampu Laminaria rasik agora la tama iha ita-nia liña laran, maibé porsaun balun iha kampu Laminaria nia laran mak pertense iha ita-nia fronteira laran no kona-ba ita-nia prospetividade poténsia ba petrolífera, porsaun ne’ebé mak tama iha ita-nia fronteira laran, laiha produsaun ona no la hola parte rezervatóriu Laminaria no Coralina,” nia tenik iha loron daruak audisaun konjunta komisaun tolu Parlamentu Nasionál (PN) iha plenária, kuarta ne’e.

Nia informa, iha ona negosiasaun para hetan kontratu tanba iha pasadu iha ona deskobrimentu ida iha kampu Laminaria katak iha mina.

“Agora ba oin signifika programa kontratu atu halo peskiza, ne’e kona-ba porsaun hosi lisensa ne’ebé oras ne’e la’o hela ba kampu Laminaria,” nia akresenta.

Tanba ne’e, tuir Gualdinho, Laminaria no Carolina hanesan rezervatóriu ba kampu Laminaria rasik no agora dadauk la pertense área Timor-Leste maibé porsaun mak pertense, tanba ne’e iha kontratu ida tanba iha persepsaun sientífika ba perspetiva kargamentu iha kampu Laminaria.

Jornalisa: Evaristo Soares Martins

Editór: Xisto Freitas

HAKEREK NO HATÁN

Please enter your comment!
Please enter your name here