Logo EDTL.

DILI, 17 jullu 2019 (TATOLI)-Eletrisidade Timor-Leste (EDTL) hahú husi janeiru to’o juñu tinan ne’e, rekolla ona reseita hamutuk $15.906.794,51.

Husi totál ne’e, iha janeiru EDTL rekolla reseita hamutuk $2.522.695.87, fevereiru $2,308.514,09, no marsu reseita sa’e ba $3.121.613,55, abríl $2.816.398,12, maiu $2.591.385,50 no juñu $2.546.187,38.

“Reseita ne’e ita konsege rekolla husi kliente sira ne’ebé uza eletrisidade liuhusi kontadór ne’ebé ita monta iha kada umakain,” Diretora Jerál EDTL, Arlinda Miranda Mantelo, dehan ba Ajénsia TATOLI iha kna’ar fatin Kaikoli, ohin.

Reseita hirak ne’e, nia dehan kuaze porsentu 70 mai husi kliente no kompañia ne’ebé iha Dili no porsentu 30 husi munisípiu sira seluk.

“Ita nian kliente iha munisípiu sira ne’e ladún uza enerjia eletrisidade ho nesesidade boot liu kompara ho kliente sira iha kapitál Dili,” Arlinda katak.

Ba Kompañia sira, diretora ne’e dehan, hakarak atu hola pakote ki’ik mak $5000 bá leten, maibé konforme sira hakarak sosa pakote ou lae.

Jornalista: Florêncio Miranda Ximenes

Editora : Maria Auxiliadora

HAKEREK NO HATÁN

Please enter your comment!
Please enter your name here