Diretor Diresaun Nasional Rejistu no Notariadu, João Fernando Martins Borges. Imajen/Antonio Goncalves

DILI, 17 jullu 2019 (TATOLI)-Iha inísiu Janeiru-Juñu, tinan ne’e, Diresaun Nasionál Rejistu Notariadu (DNRN), Ministériu Justisa,  rekolla reseita $842.750.00 husi atividade emisaun pasaporte nian.

 Diretór DNRN, João Fernando Martins Borges, ba Ajénsia TATOLI, ohin, informa katak, valor reseita ne’e kobre husi emisaun pasaporte komún S785.800,pasaporte serbisu $42.785, pasaporte diplomátiku $13.825 no pasaporte estranjeiru $350.

Nia klarifika katak, durante semestre ne’e, sidadaun 13.232 maka hasai ona pasaporte ho númeru emisaun boot liu  iha Dili hamutuk ema 12.012, pasaporte komún 11.289, pasaporte servisu 559, pasaporte diplomátiku 159 no pasaporte estranjeiru na’in lima.

Tuir Diretór DNRN ne’e katak, espetativa DNRN nian ba tinan 2019 nian sei halibur reseita ho valor millaun $1.5 ba kofre estadu husi atividade emisaun pasaporte.

“Iha tinan kotuk ami rekolla reseita millaun  $1.6 resin liu ona alvu  ne’ebé ami informa ba Ministériu Finansa katak kada tinan ami tenke rekolla millaun $1.5,” informa João Fernando Martins Borges.

Nia informa mós ba Munisípiu Bobonaro sidadaun ne’ebé hasai pasaporte komún hamutuk 776, enkuantu husi Rejiaun Administrativu Espesiál Oe-Cusse Ambeno (RAEOA) ho total 444 kompostu husi pasaporte komún 442 no pasaporte servisu na’in rua.

Nia aprofunda tan katak, presu pasaporte eletróniku ne’e husi $50, $75 to’o $ 100, no estoke pasaporte sei sufisiente to’o 2022.

Jornalista : Agapito dos Santos

Editór       : Francisco Simões

HAKEREK NO HATÁN

Please enter your comment!
Please enter your name here