Sekretariu Estadu Juventude Desportu, Nélio Isaac Sarmento. Imajen/Antánio Goncalves

MANATUTO, 15 jullu 2019 (TATOLI)Dadaun ne’e, Estádiu Munisipál Díli sai preokupasaun públiku tanba reabilitasaun ne’ebé ho kustu milliaun $1,5 no Governu selu ona %70 ba kompañia, la’o ona durante tinan barak maibé to’o agora seidauk finalizadu.

Sekretáriu Estadu Juventude no Desportu, Nélio Isaac Sarmento hateten projetu ne’e paradu hela tanba sei iha hela prosesu investigasaun, tanba ne’e nu’dar na’in ba projetu, Sekretaria Estadu Juventude no Desportu (SEJD) nafatin koordena ho instituisaun relevante hodi buka hatene prosesu ne’e la’o ona to’o iha ne’ebé.

“Projetu ne’e sei iha hela prosesu investigasaun, alias auditória hosi Inspetór Jerál Estadu atu buka hatene estádiu ne’e la’ós konstrusaun maibé reabilitasaun de’it, maibé demora kuaze tinan naruk nia laran la hotu hela de’it ne’e,” tenik Nélio hafoin halo fiskalizasaun ba Estádiu Manatuto, Munisípiu Manatuto, segunda (15/7).

Relasiona ho estádiu refere, Governu diskute ona ho Konsellu Administasaun Fundu Infraestrutura (KAFI) oinsá atu mantein ho kompañia ne’ebé durante ne’e halo reabilitasaun maibé sei hein prosesu auditóriu hosi Inspetór Jerál Estadu hafoin foti desizaun.

Reabilitasaun Estádiu Minisipál Dili ne’e kaer hosi kompañia Marino Interprise, maski pagamentu hela de’it uituan atu Governu finaliza maibé kondisaun estádiu laiha kualidade tanba keramik hirak ne’ebé taka iha moru lolon monu hotu ona.

Antes ne’e, ekipa SEJD no tékniku Ajénsia Nasionál Dezenvolvimentu (ADN), halo ona inspesaun ba projetu fíziku Estádiu Díli no hein SEJD halo estensaun ba kontratu hodi haruka ba ADN no haree prosesu hodi halo ramata konstrusaun.

Jornalista: Hortençio Sanchez

Editór: Xisto Freitas

Notísia Relevante:Estádiu Manatuto-Dili Paradu, Gleno La’o Di’ak

HAKEREK NO HATÁN

Please enter your comment!
Please enter your name here