Sinais Transitu. Imajen/Antonio Goncalves

DILI, 16 jullu 2019 (TATOLI)–Xefe Departamentu Tráfegu hosi Diresaun Nasionál Transporte Terrestre, João Eugénio da Silva, afirma sei fó atensaun ba sinál tránzitu iha Dili laran ne’ebé balun la funsiona ho di’ak no balun la funsiona totalmente.

João Silva rekoñese katak daudaun ne’e, sinál tránzitu iha diresaun balun maka aat, hanesan iha Bidau nian ne’ebé ho kondisaun aat totál.

Atu evita ida ne’e, DNTT sei fó atensaun maka’as no rezolve hodi prevene asidente tráfegu. “Kona-ba sinál tránzitu, ida ne’e ha’u-nia servisu duni ne’ebé tutela iha departamentu tráfegu no terminál, tanba ne’e ami sei rezolve ba problema ida ne’e” João Silva ba Ajénsia Tatoli iha nia knaar fatin, Balidi, ohin.

Hodi salienta, loloos ne’e DNTT hadi’a hotu ona, maibé osan ba manutensaun maka laiha, tanba ne’e seidauk hadi’a to’o agora.

Iha tinan ne’e, iha ona orsamentu atu hadi’a ba sinál tránzitu hirak ne’ebé la funsiona maka DNTT liuhosi aprovizionamentu halo ona konkursu públiku ba kompañia sira atubele aselera hodi halo manutensaun ba sinál tránzitu.

Jornalista : Natalino Costa

Editora : Maria Auxiliadora

HAKEREK NO HATÁN

Please enter your comment!
Please enter your name here