Foto Espesiál

DILI, 16 jullu 2019 (TATOLI)—Médiku Jerál ida ne’ebé hala’o ona knaar médika durante tinan 25, hateten aimoruk herbal hanesan terapia alternativu ida la’os terapia prinsipál husi médiku sira.

“Konsumu herbal ne’e mós, ami parte husi médiku aseita. Maibé, herbal ne’e ninia efeitu menus tanba ida ne’e mak uza nu’udar terapia alternativu. Médiku sira-nia aimoruk baibain ne’e la bele konsumu hamutuk ho herbal,” dehan Médiku Jerál, dr. Domingos da Silva, ba Ajénsia TATOLI bainhira ramata semináriu ba “Tinan 25 iha Karreira Médika hodi Serbi Ema Moras, Povu no Nasaun” iha Salaun CNE (Komisaun Nasionál Eleisaun-sigla portugés), Colmera, dili, ohin.

Nia hatutan, aimoruk herbal tenke liuhusi teste ba publiku maibé herbal hothotu ba teste iha alfandega. Aimoruk herbal nia efeitu laiha tanba nia herbal de’it no ninia infeksaun menus. Publiku barak mak fa´an maibé tenke iha regulamentu ida husi governu liliu husi Minsitériu Saúde para bele regula sasán sira ne’e.

“Publiku faan ne’e tuir teste ka lae. Se sira la liu teste, entaun ita buka maneira para konsege lori aimoruk herbal ne’e mai hodi tuir orden ne’ebé di’ak, para labele afeta ba povu no komunidade nia moris no saúde. Aimoruk herbal  hothotu tenke teste klíniku, hodi nunee bele hatene ninia benefísiu di’ak no laiha efeitu ruma  husi aimoruk ne’e,” nia espika.

Notísia relevante: http://www.tatoli.tl/2019/07/sabeh-preokupa-ba-doutor-herbal-neebe-tama-sai-uma/?fbclid=IwAR1Rjuu_ENYEwiUtqtgPz1vDSnUxmV02HWlW71YVu5Ujx_S6AxKG1VIBZNc

Jornalista: Felicidade Ximenes

Editór      : Rafy Belo

HAKEREK NO HATÁN

Please enter your comment!
Please enter your name here