Diretór Avelino Fernandes Ximenes Pereira. FOTO TATOLI: Nelia Rosario

DILI, 15 Jullu 2019 (TATOLI)-Timor-Leste nu´udar membru definitivu ida ba CPLP (Comunidade dos Países da Língua Portuguesa) sei partisipa iha semináriu internasionál kona-ba Sustentabilidade Alimentár, iha Idanha-a-Nova, Portugal.

iha semináriu ne´e sei ko’alia kona-ba Komité Nasionál ba Sistema Alimentár no Nutrisaun no mós Agrikultura Familiár, segundu ko’alia kona-ba atividade saída mak Timor-leste hala’o ona; purezemplu kona-ba dadus agrikultura familiár, ba relata nia prosesu, dezafius, ninia susesu atinje oinsa.

Diretór Jerál ba Asuntu CPLP, Ministériu Negósiu Estranjeiru no Kooperasaun (MNEK), Avelino Fernandes Ximenes Pereira informa katak semináriu ne´e sei partisipa husi Ministériu Agrikultura no Peska (MAP) liliu pontu vokál MAP nian.

“Sira (MAP) mak sei tuir semináriu ida ne’e,” informa Diretór Avelino Fernandes Ximenes Pereira ba Ajénsia TATOLI, segunda (15/7/2019).

Ezekutivu ne’e mós relata, semináriu ne’e normalmente ema na’in rua ka tolu mak sei ba partisipa. “Tanba kooperasaun iha área ida ne’e, iha Timor-Leste bele ema na’in tolu; husi Ministériu Agrikultura, sosiedade sívil no mós estudante ne’ebé relevante, mas iha nasaun seluk liu ema na’in tolu”.

Tuir diretór ne’e, eventu ida atu hala’o iha Portugal iha fatin Idania-a-Nova fórum internasionál, sei organiza hosi sekretariadu CPLP no Organizasaun Nasaun Unida ba Alimentasaun no Agrikultura (FAO-sigla inglés).

Nia hatutan, pontu fokál ba preparasaun atu partisipa semináriu internasionál ne´e preparadu hotu ona, ko’alia mós ho Diretora Jerál Agrikultura, Maria Odete.

Notísia relevante: http://www.fao.org/portugal/pt/

Jornalista        : Nelia Fernandes

Editór              : Rafy Belo

 

HAKEREK NO HATÁN

Please enter your comment!
Please enter your name here