Prezidente IGE José Luis de Carlvalho. Imajen/IGE.

DILI, 15 jullu 2019 (TATOLI)- Ministériu Obra Públika (MOP) liuhosi Diresaun Institutu Jestaun Ekipamentu (IGE, sigla portugés) estabelese ona ofisina sentrál ho objetivu atu halo poupansa ba orsamentu hodi halo manutensaun ba karreta Estadu hirak ne’ebé avaria.

“Ami nia ofisina sentrál ne’e sei halo manutensaun de’it ba patrimóniu Estadu diresaun hotu-hotu Ministériu Obra Públika nian”, hateten Prezidente Institutu Jestaun Ekipamentu, José Luis de Carvalho, ohin iha Igreja Faról.

Kriasaun ba ofisina sentrál, Prezidente IJE, José Luis, esplika katak atu halo poupansa ba OJE, hasa’e kapasidade jestaun patrimoniál no mós atu eleva profisionalizmu funsionáriu sira iha área mekániku.

Nia afirma katak durante ne’e diresaun IJE liuhosi ofisina sentrál simu ona karreta ho motór atu halo manutensaun, karreta hirak ne’e mai hosi Ministériu Administrasaun Estatál, Sentru Lojístika Nasionál (CLN), Autoridade Nasionál Komunikasaun (ANC) no Programa Nasionál Dezenvolvimentu Suku (PNDS).

Jornalista: Florencio Miranda Ximenes

Editora : Maria Auxiliadora

HAKEREK NO HATÁN

Please enter your comment!
Please enter your name here