Foto/Facebook DNTT.

DILI, 15 jullu 2019 (TATOLI)– Xefe Departamentu Tráfegu Diresaun Nasionál Transporte Terrestre (DNTT), João Eugénio da Silva, hatete DNTT iha ona planu atu estabelese sistema atendimentu online iha Baukau, Maliana no Same.

“Ita-nia komunidade sira sempre preokupa atendimentu tarde hosi DNTT, ida ne’e ami simu maibé bá oin ami sei hadi’a sistema uza mekanizmu ho atendimentu online ne’ebé sei akontese iha tinan ne’e” rekoñese João Silva iha nia knaar fatin, Balidi, ohin.

João Silva dehan, durante ne’e DNTT iha ona sistema baze dadus maibé sei suporta ho sistema online atubele aselera prosesu atendimentu, nune’e bele halo fasil públiku atu labele trata tan dokumentu mai iha Dili.

Nia fó ezemplu; kuandu komunidade sira hakarak trata dokumentu hanesan karta kondusaun karreta ka motór nian, sira labele mai Dili maibé halo de’it iha munisípiu sira ne’ebé estabelese ona sistema atendimentu online.

Nune’e mós iha fronteira mota-ain, DNTT sei implementa sistema online, nune’e bele tau-matan ba veíkulu hirak ne’ebé tama iha área fronteira, nune’e bele halo kontrolu ida fasil.

Jornalista : Natalino da Costa

Editora : Maria Auxiliadora

HAKEREK NO HATÁN

Please enter your comment!
Please enter your name here