DILI, 13 jullu 2019 (TATOLI)—Timoroan Martalena da Costa ne’ebé autoridade Imigrasaun Indonézia iha Bali deporta ba Malázia tanba dokumentu (pasaporte) liu prazu ona, sábadu ne’e, to’o ona iha Timor-Leste ho aviaun Citilink iha tuku 12:00 otl.
“Ha’u hakarak hato’o agradese no obrigada barak ba Estadu Timor-Leste liuhusi Embaixadora Timor-Leste (TL) ba Malázia, Olandina Caeiro Alves ho nia ekipa ne’ebé suporta ona ha’u mai to’o iha Timor-Leste,” Martalena ba jornalista Agência Tatoli iha Aeruportu Internasionál Prezidente Nicolau Lobato, Comoro, Dili, ohin.
Nia haktuir katak nia sente triste tanba atu mai Timor-Leste hasoru difikuldade hanesan ne’e, maibé ikus mai hetan duni solusaun.
Martalena hato’o lia-menon ba embaixada Timor-Leste iha rai seluk katak presiza tau-matan ba timoroan sira ne’ebé mak pasaporte inválidu (mate) ona nune’e labele hasoru difikuldade durante viajen nia laran.
Jornalista: Nelia Fernandes
Editór: Xisto Freitas
Klik mós notísia tuir mai: http://www.tatoli.tl/2019/07/kazu-martalena-mnek-kongratula-reprezentante-estadu-tl-iha-malazia-bali/
http://www.tatoli.tl/2019/07/estadu-tl-fasilita-ona-martalena-da-costa-aban-timor/
