Imajen Portu Dili. Foto espesiál

DILI, 11 jullu 2019 (TATOLI)-Governu Timor-Leste reprezenta husi Sekretáriu Estadu Kooperativa (SEKoop), Arsenio Pereira hamutuk ho delegasaun partisipa iha Espozisaun Turizmu Ázia Pasífiku iha Sidade Aukland, Nova Zelándia, iha kinta (11/07/2019).

Tema sentrál espozisaun ba 2019 ne´e mak “Towards One Pacific Destination”. Espozisaun ne´e organiza husi Indonézia no apoiu husi Nova Zelándia ho Austrália. Espozisaun ne’e hahú husi loron  11 to´o 14. Espozisaun ne´e ofisialmente loke ho sesaun introdusaun panelista sira husi nasaun idaidak. SECoop mós akompaña diskusaun panelista iha sesaun abertura nian.

“Ne’ebé parte Timor Leste ko’alia husi Diretór Jerál  Turizmu, José Quintas no foka liu ba oinsá promove setór turizmu iha konetividade entre nasaun pasífiku sira iha área dezenvolvimentu turizmu nian,” haktuir komunikadu SEKoop, Ajénsia TATOLI Asesu ohin liuhusi Gabinete Media SEKoop nian.

Partisipa iha espozisaun ne´e mak nasaun pasífiku sira hanesan Austrália, Nova Zelándia, Tuvalu,  Tonga, South Pacific, Illa Salomaun, Samoa, Papua Nugini, Indonézia inklui Timor-Leste.

Jornalista        : Nelson de Sousa

Editór              : Rafy Belo

HAKEREK NO HATÁN

Please enter your comment!
Please enter your name here