Diretór Ezekutivu HNGV, Aniceto Barreto. Imajen/ Antonio Goncalves

DILI, 12 jullu 2019 (TATOLI) – Restu Mortais hamutuk 426 desde 2016 to’o mai 2019, kontinua rai iha Diresaun Forensik Ospitál Nasionál Guido Valadares (ONGV).

“Prosesu identifikasaun depende ba instituisaun seluk, ospitál konserva de’it kuandu halo identifikasaun kompletu ona ami entrega fali ba”, hateten Diretór ONGV, Aniceto Cardoso Barreto, ba jornalista iha ONGV, ohin.

ONGV, nia dehan sei sufisiente, kuandu nakonu ona ospitál sei buka fali fatin seluk hodi prezerva.

“Daudaun ne’e ami ho komisaun omenajen ko’alia ona ba malu hodi halo identifikasaun, tanba buat ne’e la fasil, sei konfirma ho família”, katak nia.

Maibé, nia akresenta ospitál prontu atu asegura restu Mortais sira ne’e, tanba se la’ós tau iha ospitál, atu tau tan iha ne’ebé.

Tuir Aniceto dalan ne’ebé atu identifika loloos maka teste DNA (Deoxyribonucleic acid), maibé prosesu maka difisil.

Restu Mortais sira ne’e lori hosi polísia Forensik, no daudaun ne’e tau hela iha diresaun Forensik ONGV.

Jornalista: Antónia Gusmão

Editora: Rita Almeida

HAKEREK NO HATÁN

Please enter your comment!
Please enter your name here