Ministru Justisa, Manuel Cárceres da Costa, halo enkontru ho Sekretáriu Jerál Konsellu Nasionál Justisa Brazíl, Carlos Vieira Von Adamek, no ekipa Ajénsia Kooperasaun Brazileira, iha Edifísiu Ministériu Justisa, Caicoli Dili, Kinta (11/07/2019). Imajen/Mídia MJ

DILI, 11 jullu 2019 (TATOLI)-Ministru Justisa, Manuél Cárceres da Costa, husu ba Ajénsia Kooperasaun Brazileira (ABC-sigla portugés)  no Konsellu Nasionál Justisa Brazíl, atu fó apoiu  formasaun ba Defensór Públiku Timoroan hodi apoiu dezenvolvimentu setór justisa iha Timor Leste.

“Ohin, ami ko’alia no ha’u husu nafatin para Brazíl bele simu ita nia defensór públiku sira bele halo kursu espesialidade hodi aumenta kapasidade ita nia defensór públiku sira,” informa Ministru Manuel Cárceres da Costa, ohin,  ba Jornalista sira hafoin halo enkontru ho Sekretáriu  Jerál Konsellu Nasionál Justisa Brazíl, Carlos Vieira Von Adamek, no ekipa  Ajénsia Kooperasaun Brazileira, iha Edifísiu Ministériu Justisa, Caicoli Dili.

Durante enkontru, Governante husu mós  vontade instituisaun  rua ne’e atu apoiu governu hodi identifika universidade iha Brazíl ne’ebé hakarak simu Timoroan hodi hasai mestradu iha area diretu, liuliu iha defensór públiku.

Tuir planu Governu nian, liuhusi Ministériu Justisa, atu  iha tinan oin, haruka Timoroan na’in 20 ba Portugal hodi hasai kursu iha area juis no  prokuradór.

Notísia Relevante: http://www.tatoli.tl/2019/07/brazil-iha-interese-apoiu-dezenvolvimentu-setor-justisa/

Jornalista      : Agapito dos Santos

Editór             : Francisco Simões

HAKEREK NO HATÁN

Please enter your comment!
Please enter your name here