Ministru Negósiu Estranjeiru no Kooperasaun, Dionísio da Costa Babo Soares. Imajen Tatoli/Egas Cristóvão

DILI, 12 jullu 2019 (TATOLI) – Ministru Negosiu Estranjeiru no Kooperasaun (MNEK), Dionísio Babo Soares, kongratula reprezentante Estadu Timor-Leste iha Malázia no Bali, Indonézia, tanba halo ona esforsu hodi fasilita Martalena da Costa mai Timor.

“Parabéns ba esforsu señora embaixadora, Olandina Caeiro Alves, ho staf Leo no ekipa iha Kuala Lumpur”, hatutan ministru ne’ebé halo hela servisu Estadu iha Nova Iorke, ba TATOLI via messenger, kalan ne’e.

Hatutan mós parabéns ba: “Konsuladu iha Bali, señora Elda Perreira ho ekipa inklui señor Tony Lobo”.

Kuandu Martalena deporta ba Malázia hosi imigrasaun Indonézia iha aeroportu Bali, ministru haktuir embaixadora TL iha Kuala Lumpur, Olandina Caeiro Alves, ho staf embaixada halo esforsu hotu, negosia ho imigrasaun Malázia durante loron rua no konsege solusiona.

Estadu TL Fasilita Ona Martalena da Costa, Aban To’o Timor

Tan ne’e, Estadu TL liuhosi embaixada iha Malázia no konsuladu iha Bali fasilita billete viajen hosi Malázia mai Bali, no hosi Bali mai Dili.

Jornalista: Rita Almeida

Editór : Rafael Belo

HAKEREK NO HATÁN

Please enter your comment!
Please enter your name here