Diretór Ezekutivu HNGV, Aniceto Barreto. Imajen António Goncalves

DILI, 12 jullu 2019 (TATOLI) – Diretór Jerál Ospitál Nasionál Guido Valadares (ONGV), Aniceto Cardoso Barreto, hateten doutór Forensik menus, tanba médiku jerál sira lakohi atu aprende ka ba eskola tan hodi hasai espesialidade ba área ne’e.

Aniceto Cardoso Barreto konfesa kada tinan governu atribui bolsu estudu, maibé laiha médiku jerál ida mak hakarak konkorre.

“Ba ha’u la’ós atu aumenta doutór, maibé ema atu interese estuda ba área ne’e maka menus liu, bolsu estudu iha más ema lakohi ba. Médiku jerál sira maioria ladún iha interese atu aprende eskola ba Forensik, governu tau osan más bolsu estudu ne’e kuaze la uza, ami labele obriga ema ida”, haktuir Aniceto ba jornalista sira iha ONGV, ohin.

Maske nune’e, Diretór Jerál ONGV ne’e afirma iha tinan ne’e tenta atu haruka médiku na’in rua ba estuda iha estranjeiru iha área refere.

Médiku jerál aprende buat hotu, maibé atu ba espesialidade tenke mai hosi ida-idak ninia vontade no desizaun, laiha obrigasaun.

Aleinde ne’e, kona refrijeradór, lideransa másimu ONGV ne’e dehan mate isin ne’ebé halo ona autópsia tenke hasai lalais, nune’e iha espasu hodi tau fali seluk, tan ne’e refrijeradór ne’ebé iha sufisiente. Diresaun Forensik ONGV Menus Refrijeradór

Jornalista: Antónia Gusmão

Editora: Rita Almeida

HAKEREK NO HATÁN

Please enter your comment!
Please enter your name here