Xefe Departamentu Forensik Ospitál Nasionál Guido Valadares (ONGV), Nilton Tilman. Imajen Jogerjo Guterres

DILI, 11 jullu 2019 (TATOLI) – Primeiru-Ministru (PM), Taur Matan Ruak hala’o enkontru semanál ho Prezidente Repúblika (PR), Francisco Guterres Lú Oló hodi informa atividade Governu ne’ebé hala’o daudauk, liliu prosedimentu ba Ratifikasaun Tratadu Fronteira Marítima (FM) entre Timor-Leste no Austrália.

“Atividade saida mak Governu halo daudauk, foku ba Lei no Dekretu-Lei sira ne’ebé tenke promulga, atu prepara ba asina tratadu Tasi Timór ho Austrália ne’ebé ita marka ba loron 30 agostu,” informa Xefe Governu ba jornalista sira iha Palásiu Prezidensiál, kinta ne’e.

Tuir PM dehan, kona-ba asuntu ne’e iha Lei haat no Rezolusaun Governu ida mak haruka ona ba Parlamentu Nasionál (PN) no Dekretu-Lei lima no Rezolusaun Governu rua, purtantu iha Lei sia no Rezolusaun tolu.

Pakote lejizlativa sira ne’e aprovadu ona iha Konsellu Ministru estraordináriu durante loron rua, 8 to’o 9 jullu.

Lista hirak ne’e mak hanesan Proposta Rezolusaun ba Parlamentu Nasionál ba Ratifikasaun Tratadu entre Repúblika Demokrátika Timor-Leste no  Commonwealth Austrália ne’ebé  ida-ida estabelese ona Fronteira Marítima iha Tasi Timór, Proposta husi Lei ne’ebé aprova ba alterasaun dahuluk mak Lei n.8/2008, loron 30 juñu, Lei dahuluk n.3/2003, loron 1 jullu kona-ba tributasaun ba kontraente sira husi Bayu-Undan no altersaun dahuluk ba Lei n.4/2003 loron 1 jullu, kona-ba dezenvolvimentu husi petróleu Tasi Timór.

Proposta husi Lei ne’ebé aprova mak Réjime Laborál no Migratóriu Espesiál Aplikável ba Projetu Bayu-Undan, Proposta husi Lei ne’ebé aprova altersaun daruak mak Lei n.13/2005, loron 2 fulan-setembru, ne’ebé mak aprova hanesan Lei husi Atividade Petrolífera, Proposta husi Lei ne’ebé aprova husi alterasaun datolu mak Lei n.9/2005, loron 3 fulan-agostu, ne’ebé aprova hanesan Lei Fundu Petrolíferu.

Dekretu-Lei kona-ba Tranzisaun Títulu Petroliferu no Regulamentasaun husi Atividade Petrolífera iha Kampu Bayu Undan, Dekretu-Lei  kona-ba Tranzisaun Títulu Petrolíferu no Regulamentasaun Atividade Petrolífera  anteriormente situada iha Área Konjunta hosi Dezenvolvimento Petrolíferu (ACDP), Dekretu-Lei kona-ba Tranzisaun Títulu Petrolíferu no Regulamentasaun Atividade Petrolifera anteriormente situada iha Área Konjunta husi Dezenvolvimento Petrolíferu iha kampu Buffalo.

Ikus liu mak Dekretu-Lei kona-ba Tranzisaun Títulu Petrolíferu no Regulamentasaun Atividade Petrolífera  iha área lisensa balun AC/L5 e WA-18-L, Dekretu-Lei ne’ebé aprova iha alterasaun dahuluk ba Dekretu-Lei n.20/2008, loron 19 fulan-juñu, ne’ebé kria Autoridade Nasionál Petróleu Minerál (ANPM). 

Jornalista: Julia Chatarina

Editór.      : Rafy Belo

HAKEREK NO HATÁN

Please enter your comment!
Please enter your name here