Espoza Primeiru- Ministru (PM), Taur Matan Ruak nu’udar mós Fundadora Sentru Quesadip Ruak (CQR-sigla portugés), Isabel Ferreira. Imajen/Espesiál CQR

DILI, 11 jullu 2019 (TATOLI)– Espoza Primeiru-Ministru  (PM), Taur Matan Ruak, nu’udar mós Fundadora Sentru Quesadip Ruak (CQR-sigla portugés), Isabel Ferreira, preokupa moral juventude timoroan, ohin loron, ne’ebé komesa mihis ba daudaun.

“Se halo komparasaun ho juventude iha  tempu portugés ho tempu Indonézia nian, moral di’ak uitoan,” hateten Isabel Ferreira, ba Ajénsia TATOLI, iha Bairru-Pité, Dili, Kuarta (10/07/2019).

Nia esplika, ema laiha moral tanba laiha domin, la respeita malu, la halo solidariedade, laiha espíritu voluntarizmu hodi ajuda ema seluk. Tanba ne’e, iha de’it mak hanoin ba an rasik.

Isabel Ferreira aprezenta kazu kontrata balun  mak timoroan tantu feto no mane laiha ona responsabilidade ba aktu ladi’ak, ikus mai feto hetan oan, mane mós hadook an husi feto nia sorin.

La’ós ne’e de’it, tenik Isabel Ferreira, iha mós kazu divórsiu no oho malu entre timoroan ho timoroan iha rai laran no rai li’ur,  individualmente inklui mós ho grupu.

Nia husu ba joven sira atu fó importánsia ba valor kristaun no umana liuhusi edukasaun iha família, sosiedade mak kontribui ba iha nasaun nia vida.

Jornalista         : Domingos Piedade Freitas

Editór                : Francisco Simões

 

HAKEREK NO HATÁN

Please enter your comment!
Please enter your name here