Sekretáriu Jerál Konsellu Nasionál Justisa Brazíl, Carlos Viera Von Adamek ho nia ekipa hasoru malu ho autór justisa sira Tribunál Distritál Dili (TDD), Kuarta (10/07/2019). Imajen/Domingos Piedade Freitas

DILI, 11 jullu 2019 (TATOLI)–Sekretáriu Jerál Konsellu Nasionál Justisa Brazíl kompromete sei ajuda sistema judisiál Timor Leste nian, liuliu kona-ba sistema utilizasaun no informátika atu fasilita serbisu entre prokuradór, defensór públiku no ofisiais justisa sira.

Vontade no kompromisu Brazíl nian ne’e hato’o diretamente  iha ámbitu enkontru entre Sekretáriu Jerál Konsellu Nasionál Justisa Brazíl,  Carlos Viera Von Adamek ho nia ekipa ho  autór justisa sira Tribunál Distritál Dili (TDD), Kuarta (10/07/2019).

“Kooperasaun Brazíl ho Timor Leste iha area justisa ne’e  hodi fasilita komunikasaun ne’ebé mak di’ak liu ba iha prosesu judisiais tomak,” informa Juiz Duarte Tilman.

Eis Juiz Administradór Distritál Dili ne’e kooperasaun entre parte rua atu  apoiu tribunais  sira atu utiliza teknolojia no informátika iha futuru. Maibé kona-ba kestaun nee, sei konsulta ho Parlamentu Nasionál, órgaun lejizladór sira atu haree kódigu prosesu penal no sivíl, atu fasilita no regula mós sasán hirak nee atu fasilita serbisu.

Nia esplika, oras nee sistema balun lao hela mak ida regula kona ba númeru úniku ba prosesu husi primeira instánsia to’o Tribunal Rekursu ne’ebé deside númeru ida de’it no laiha konfuzaun. Maibé, ho kooperasaun nee atu hadi’a di’ak liu tan sistema eletrónika sira hodi fasilita di’ak liu tan ofisial justisa sira nia serbisu.

Iha fatin hanesan, Sekretáriu Jerál Konsellu Nasionál Justisa Brazíl, Carlos Viera Von Adamek ho nia ekipa halo enkontru ho autoridade justisa sira iha TDD  atu aprezenta ba juiz sira husi TL kona ba programa Brazíl ne’ebé mak uza, liuliu sistema dijitál informátika atu fasilita di’ak liu tan serbisu iha tempu oin mai.

“Ha’u hanoin Konsellu Nasionál  Justisa husi Brazíl ho Tribunal Rekursu de TL informatiza ba malu kona ba serbisu dijitalizasaun nian iha area justisa nian,” Carlos Viera Von Adamek esplika.

Nia hatutan, husi parte Brazíl sei halo kooperasaun iha area justisa nian atu dezenvolve no fasilita di’ak liu tan, serbisu justisa nian iha TL tanba Brazíl mós espertu iha area teknolojia no informátika.

Notísia Relevante : http://www.tatoli.tl/2019/07/brazil-iha-inter…tu-setor-justisa/

Jornalista : Domingos Piedade Freitas

Editór        : Francisco Simões

 

HAKEREK NO HATÁN

Please enter your comment!
Please enter your name here