Xefe Estadu FALINTIL-Forsa Defeza Timor-Leste (F-FDTL), Maiór Jenerál Lere Anan Timur, Imajen/Egas Cristovão

DILI, 10 jullu 2019 (TATOLI)-Xefe Estadu Maiór Jenerál Falintil-Forsa Defeza Timor-Leste (F-FDTL), Maiór Jenerál Lere Anan Timur nafatin apela ba timoroan hotu atu hametin paz no estabilidade iha rai laran.

“Agora grupu kriminozu balun hala’o violénsia oho malu hanesan iha semana kotuk ne’ebé akontese iha Leorema imi uluk balun terus No inan aman mate ba funu,tanba ne’e hadomi imi nia rain ba. Duke agora ita marka diferénsia entre ita timoroan tanba ne’e husu atu hametin paz no estabilidade,” apela Lere, iha Palásiu Prezidensiál, Bairu Pite, kuarta (10/07/2019)

Nia hateten, hanesan lider F-FDTL, sei tur hamutuk ho komandante PNTL (Polísia Nasionál Timor-Leste) atu responde situasaun oinsa. “Para ita labele tolera grupu kriminozu sira, grupu ki’ik labele ukun fali Timór, tenke estadu mak tenke ukun Timór,” dehan Lere Anan Timur”.

Tuir Maiór Jenerál katak, estadu de´it mak iha forsa no kompeténsia tomak uza violénsia kuandu nesesáriu, la’ós grupu kriminozu sira mak hakotu ema nia vida.

“Tanba ne’e ba timoroan ne’ebé komete krime atu kalma oituan haree ba imi nia futuru,kuandu ita oho ema ne’e ita-nia futuru lakon ona,” haklaken lider másimu F-FDTL ne´e.

Lee mós notísia:http://www.tatoli.tl/2019/07/joven-liquica-tenke-kaer-metin-lema-hu-iso-lara-iso/

Jornalista  :Nelson de Sousa

Editór         : Rafy Belo

HAKEREK NO HATÁN

Please enter your comment!
Please enter your name here