Sekretáriu Estadu Juventude no Desportu, Nélio Isaac Sarmento. Imajen António Gonçalves

DILI, 10 jullu 2019 (TATOLI)—Sekretáriu Estadu Juventude no Desportu, Nélio Isaac Sarmento, hateten atleta prestadu sira-nia subsídiu tarde iha administrasaun finansa kada federasaun.

“Ha’u prosesa tiha ona. Agora tarde ne’e la’ós iha Sekretaria Estadu Juventude no Desportu (SEJD). Tarde ne’e karik iha prosesu administrasaun finansa sira-nian mak tarde,” Sekretáriu Estadu Juventude no Desportu, Nélio Isaac Sarmento, ko’alia iha Palásiu Governu, kinta ne’e, relasiona ho atleta prestadu balun preokupa ba sira-nia subsídiu ne’ebé to’o ohin loron sira seidauk simu.

Nia fó ezemplu, atleta Teófilo Freitas nian transfere ba konta bankária Komité Paralímpiku Nasionál Timor-Leste (CPNTL-sigla portugés), fubebolista sira transfere ba Federasaun Futeból Timor-Leste (FFTL), hanesan mós atleta sira seluk.

Nélio informa, nia sei konvida atleta prestadu sira hodi entrega simbólika, maski subsídiu ne’e transfere liuhosi konta bankária federasaun nian. Nia esplika, atleta 30 resin mak sei simu subsídiu refere.

Jornalista: Evaristo Soares Martins

Editór: Xisto Freitas

Lee mós notísia ne’e: http://www.tatoli.tl/2019/06/subsidiu-ba-atleta-prestadu-governu-transfere-ba-konta-bankaria-organizasaun/

HAKEREK NO HATÁN

Please enter your comment!
Please enter your name here