DILI, 10 jullu 2019 (TATOLI)-Komandu Polisia Nasionál Timor-Leste (PNTL) hamutuk ho ekipa tékniku no asesór jurídiku sira kontinua diskute prosesu revizaun ba lejizlasaun sira iha PNTL hanesan lei orgánika, estatutu no mós regulamentu dixiplinár ho objetivu profesionaliza membru sira.
Antes ne’e, Komandu PNTL aprezenta ona proposta ba Governu liu husi Ministru Interiór interinu, Filomeno da Paixão de Jesus, hodi haree ona, maibé haruka fila ba PNTL atu hadi’ak liután molok aprezenta ba Konsellu Ministru.
“Dokumentu sira ne’e hotu ami hadi’a fali para lori ba Konsellu Superior atu haree fila-fali,” informa Komandante Jerál PNTL Komisáriu Faustino da Costa ba jornalista, ohin, iha Kuartél Jerál PNTL Caicoli, Dili.
Kona-ba artigu saida de’it mak sei muda liu-liu iha estatutu no regulamentu dixiplinár nian, Komisáriu Faustino da Costa, dehan, nia seidauk bele fó sai, tanba artigu ba revizaun lei orgánika, estatutu PNTL no regulamentu dixiplinár sei iha faze elaborasaun no diskusaun.
Jornalista : Eugénio Pereira
Editór : Francisco Simões
