DILI, 10 jullu 2019 (TATOLI) – Governu liuhosi reuniaun Konsellu Ministru aprova ona rezolusaun ida hodi fó poder ba Prezidente ANPM, Gualdinho da Silva, hodi asina Nota Entendimentu (MoU-Memorandum of Understanding) entre Autoridade Nasionál Petróliu Naturál (ANPM) no Department of Industry, Inovation and Science Commonwearth Australia no Australian National Offshore Petroleum Safety and Environmental Management Authority.

Nota entendimentu ne’ebé aprezenta husi Prezidente ANPM, Gualdinho da Silva ho ninia ekipa, kona-ba kooperasaun entre autoridade reguladora ho relasaun ba Kampu Gas Bayu-Udan nian no Kadoras.

Ministru Estadu Prezidénsia Konsellu Ministru, Agio Pereira hateten, nota entendimentu ne’e  liga mós ho gazudutu Bayu-Undan ninian nune’e tenke iha akordu entre parseiru dezenvolvimentu sira.

“Fó poder tomak ba Prezidente ANPM, Gualdinho da Silva hodi bele kontinua negosiasaun hodi bele asina em nome Estadu Repúblika Demokrátika Timor-Leste (RDTL),” tenik Ministru Agio iha Palásiu Governu, kuarta ne’e.

Nia hatutan: “Bainhira asina no ratifika ona tratadu, Bayu-Undan iha Timor-Leste nia territóriu soberanu, maibé kadoras ba Darwin, kontinua ba Darwin, ne’ebé tenke defini didi´ak tuir Lei, parte ne’ebé iha Timor-Leste nia soberanu no nia poder, ne’ebé sai ona husi Fronteira Marírima no tama ona ba Austrália nia, ne’e Austrália nia poder hanesan poder eskluzivu. Nune’e, Konsellu Ministru fó poder ba ANPM hodi asina nota entendimentu ne’e”.

Jornalista  : Julia Chatarina

Editór        : Rafy Belo

HAKEREK NO HATÁN

Please enter your comment!
Please enter your name here