Prezidente Assalam FC, Ipolito Soares

DILI, jullu 2019 (TATOLI)—Prezidente Assalam FC, Ipolito Soares rejeita ho deklarasaun hosi treinadór prinsipál Assalam, Francisco Araújo, ne’ebé deklara jestaun klube hasai nia tanba iha nia lideransa lori klube Assalam la susesu iha jogu rua iha Primeira Divizaun Liga Futeból Amadora (LFA) époka 2019.

“Assalam la hapara kontratu treinadór Francisco, maibé ami aumenta tan treinadór hodi haree fali seniór nian no treinadór Francisco ami muda fali nia ba kaer ekipa Juvenil Assalam,” dehan Ipolito ba Agência Tatoli iha salaun Xanana Sport Center, Bairru Formosa, Dili, ohin.

Ipolito informa, ekipa Juvenil Assalam preparadu ona. “Ami nia ekipa Juvenil dadaun ne’e preparadu ona. Jogadór agora Francisco fó hela treinamentu ba sira iha Comoro,” nia salienta.

Entretantu, treinadór ne’ebé troka fali Francisco nia fatin mak treinadór ho nasionalidade Indonézia, Andi Susanto, ne’ebé dadaun ne’e kaer hela Selesaun Nasionál Timor-Leste U-18.

Jornalista: Hortençio Sanchez

Editór: Xisto Freitas

Lee mós notísia ida ne’e: http://www.tatoli.tl/2019/07/la-susesu-lori-assalam-ba-primeira-divizaun-francisco-fila-hikas-ba-ymca/

HAKEREK NO HATÁN

Please enter your comment!
Please enter your name here