Ministru Justisa, Manuel Cárceres da Costa. Imajen/Egas Cristovão

DILI, 09 jullu 2019 (TATOLI)-Ministériu Justisa no Sentru Nasionál Chéga (CNC-sigla portugés) estabelese ona akordu hodi prezerva sítiu istóriku domíniu privadu ne’ebé lider rezisténsia sira okupa  hodi hela durante prosesu luta ba libertasaun.

“Pur ezemplu, fatin iha Dili, ita sei halo dilijénsia barak, aproximasaun barak ho rai-na’in ba fatin ikus-liu ita nia maun boot Xanana subar ba, iha Dona Aliansa nia uma, ida ne’e, ita tenke konserva tanba fatin ikus-liu ita-nia maun boot subar ba to’o ema kaptura,” hateten  Ministru Justisa, Manuel Cárceres da Costa iha ninia diskursu, horiseik, iha ámbitu serimónia asina memorandu entendimentu (MoU-sigla inglés) entre Ministériu Justisa ho CNC,  segunda (08/07/2019),  iha Edifísiu CNC, Balide, Dili.

Governante dehan, kona-ba sítiu istóriku ne’ebé iha domíniu públiku ninia kompeténsia  sei la iha problema, enkuantu domíniu  privadu sira tenke iha aproximasaun hodi halo konserva.

Diresaun Jerál Terras no Propriedade sei serbisu hamutuk ho CNC  atu identifika sítiu istóriku sira ne’e hodi harii plaka ba prezervasaun.

http://www.tatoli.tl/2019/07/mj-cnc-asina-mou-implementa-rekomendasaun-cavr-ho-cva/

Jornalista          : Agapito dos Santos

Editór                : Francisco Simões

 

HAKEREK NO HATÁN

Please enter your comment!
Please enter your name here