Xefe Estadu FALINTIL-Forsa Defeza Timor-Leste (F-FDTL), Majór Jenerál Lere Anan Timur. Imajen/ António Gonçalves

DILI, 09 jullu 2019 (TATOLI)-Xefe Estadu Maiór Jenerál FALINTIL-Forsa Defeza Timor Leste (F-FDTL), Majór Jenerál,  Lere Anan Timur, rekomenda ba Komandu Polísia Nasionál Timor Leste  (PNTL) atu aumenta númeru Ofisiál Polísia Suku (OPS) iha territóriu, liuliu ba prevensaun krime organizadu no konflitu hodi garante estabilidade.

“OPS maka tenke iha  ho sira nia papél no misaun  atu apoiu konvivénsia loron-kalan hamutuk ho komunidade hodi manan simpatia, atu respeita no hadomi malu hodi rezolve problema,” hateten Majór Jenerál Lere, ohin,  ba Jornalista sira iha Palásiu Prezidensiál, Bairru-Pité, Dili.

Lere hateten, prezensa  Polísia iha komunidade nia leet importante, nu’udar meius ida ba prevensaun no hamenus  konflitu iha bairru laran no iha suku laran.

Komandu PNTL destaka ona Ofisial Polísia Suku  (OPS) na’in 408  iha suku 442, Aldeia 2.233, Postu Administrativu 65 no Munisípiu 12, inklui Rejiaun Administrativu Espesiál Oe-Cusse Ambeno ho nia ritmu  serbisu ba OPS na’in ida bele hola kna’ar ba Suku rua.

Bazeia ba limitasaun ne’ebé iha liuliu rekursu umanus maka daudaun ne’e  iha Munisípiu Bobonaro iha suku 50, maibé koloka de’it membru  OPS na’in 43, sei menus ema na’in hitu (7), Munisípiu Baucau iha  suku 59 maibé koloka de’it membru OPS na’in 32, sei menus na’in 27.

Jornalista         : Agapito dos Santos

Editór               : Francisco Simões

HAKEREK NO HATÁN

Please enter your comment!
Please enter your name here