Xapa matríkula. Imajen espesiál

DILI, 8 jullu 2019 (TATOLI)—Diretora Nasionál Aprovizionamentu, Lúcia do Rosario Pereira hateten konkursu ba blanku karta kondusaun no xapa matríkula, prosesu la’o finál ona.

“Ami avalia dokumentu, relata ba diretór Jerál depois hato’o ba ministru halo aprovasaun no ikus aviza kompañia ne’ebé manán. Ne’e hotu ona. Entrega ona ba diretór jerál hodi entrega tutan ba ministru ba aprovasaun,” Lúcia ba Agência Tatoli iha nia kna’ar fatin, Dili, ohin.

Tuir nia katak karik ministru aprova sedu mak iha fulan agustu nia laran xapa matríkula no blanku karta kondusaun bele iha ona.

Nia reforsa, rezultadu hosi konkursu ne’e bainhira ministru seidauk aprova, sira seidauk bele fó rezultadu hosi konkursu ne’e rasik.

Lúcia haktuir, momentu ne’ebá, kona-ba dokumentu transpote (STNK), karta kondusaun, xapa matríkula ne’e, STNK (Surat Tanda Nomor Kendaraan-termu Indonézia) tama iha prosesu badak mak prosesu loron hitu (7) de’it, maibé xapa matríkula no karta kondusaun mak presiza orsamentu boot, nune’e tama iha prosesu naruk uituan.

“Buat hotu tuir prosesu. Bainhira orsamentu aprova iha fulan fevereiru liu-ba, presiza hein rekizasaun hosi Diresaun Nasionál Transporte Terrestre (DNTT) no hosi DNTT rasik halo rekizasaun ba iha finansa para finansa komit lai CPV (Pay Per View). Hafoin komit CPV, ministru aprova tiha CPV depois hatuun mai ami halo prosesu konkursu. Ami bazeia ba CPV foin hasai konkursu para bele identifika tama iha kategoria saida,” nia esplika.

“Ami aviza sai kompañia sira mai hola dokumentu depois mai entrega dokumentu tuir esplikasaun, depois mai hatama submisaun dokumentu aumezmu tempu ho open beat. Iha open beat ne’ebá ami husu dokumentus rua mak technical proposal ho finansial proposal. Technical proposal loke kedas bainhira halo open beat hodi defini kompañia hira mak tama para bele halo avaliasaun ba dokumentu hira mak la liu no kompañia sira ne’ebé pasa para bele avalia,” hatutan.

Jornalista: Nelia Fernandes

Editór: Xisto Freitas

Lee mós notísia ida ne’e…http://www.tatoli.tl/2019/07/orsamentu-ba-produsaun-karta-kondusaun-no-xapa-matrikula-prosesa-ona/

HAKEREK NO HATÁN

Please enter your comment!
Please enter your name here