AIFAESA-PNTL apreende sigarru ilísitu iha loja xinés iha Kampung Baru.

DILI, 09 jullu 2019 (TATOLI)-Iha tinan 2019 husi fulan janeiru to’o juñu Autoridade Inspesaun Fiskalizasaun Ekonomia Sanitária (AIFAESA) hala’o inspeksaun  ba operadór ekonómiku hamutuk 763 iha kapital Dili no mós munisipiu 12 no postu administrativu balun.

Diretór Operasaun AIFAESA, Gabriel da Costa hateten, durante hala’o inspesaun ba  estabelesimentu operadór ekonómiku 763 ne’e, identifika 136 mak komete infrasaun.

“Infrasaun ne’ebé  operadór ekonómiku sira komete mak balun hala’o atividade negósiu lisensa laiha, lisensa mate la renova, atividade la tuir lisensa, fa´an produtu falsifikadu, prazu (estragadu) no produtu anormál, tabaku ilegál ne’ebé kontra lei, restaurante la hijéne no seluk tan,” informa Diretór Operasaun AIFAESA ne’e ba Ajénsia TATOLI iha kna’ar fatin, Matadouro, tersa (09/07/2019).

Nia hateten, husi inspesaun ne’ebé AIFAESA hala’o ba iha estabelesimentu hirak ne’e, prende mós produtu ne’ebe liu prazu; bebidas alkólika (falsifikada) hamutuk 8.956 latas, produtu alimentár no bebidas ho kondisaun prazu 6.500, produtu alimentár no bebidas ho kondisaun estragadu 16, tabaku ilísitu  (ilegál)  slop 143, masu 574, kaixa plástiku 480, lolon 1128.

“No mós halo enseramentu ba restaurante neen tanba kondisaun la hijiéne husu para hadi´a depois loke fali,” reforsa tan diretór ne´e.

Nia insiste, ba operador ekonómiku hirak ne’ebé komete infrasaun sei prosesa tuir regra ne’ebé iha.”Tanba ne’e ba sira ne’ebé komete infrasaun ami submete ona ba iha diresaun jurídiku atu notifika, nune’e operadór ekonómiku sira mai hato’o sira-nia razaun bainhira sala sei selu  multa; normál tuir dekretu lei númeru 23/2009 loron 5 agostu iha artigu 2º hateten, bele selu multa husi U$1000-10000,” salienta Diretór Gabriel da Costa.

Lee mós notísia: http://www.tatoli.tl/2019/07/labele-faan-sasan-liu-prazu/

Jornalista        : Nelson de Sousa

Editór              : Rafy Belo

HAKEREK NO HATÁN

Please enter your comment!
Please enter your name here