husi Diretora Jerál Ministériu Justisa, Marcelina Tilman da Silva ho Diretór Ezekutivu CNC.IP, Hugo Maria Fernandes, segunda (08/07/2019), asina MoU iha Edifísiu CNC, Balide, Dili. Imajen/Mídia MJ

DILI, 08 jullu 2019 (TATOLI)-Ministériu Justisa  (MJ) ho Sentru Nasionál Chega (CNC-sigla portugés), ohin, asina ona nota entendimentu (MoU-sigla inglés) ho artigu ualu (8) hodi implementa rekomendasaun Komisaun Akollamentu Verdade no Rekonsiliasaun  (CAVR-sigla portugés) no Komisaun Verdade no Amizade (CVA-sigla portugés).

Nota entendimentu ne’ebé asina diretamente husi  Diretora Jerál Ministériu Justisa, Marcelina Tilman da Silva ho Diretór Ezekutivu CNC.IP, Hugo Maria Fernandes, iha  Edifísiu CNC, Balide, Dili.

Nota entendimentu ne’e atu implementa rrekomendasaun CAVR no CVA iha area solidariedade ba sobrevivente sira, hanesan programa reunifikasaun labarik lakon, halo advokasia atu oinsá oan husi vítima violasaun sexuál iha tempu pasadu bele hetan dokumentu provas nasionalidade (Sertidaun RDTL).

Alende ne’e, atu halo  advokasia ba ratifikasaun konvensaun ema lakon no area memorizasaun espesífikamente kona-ba enkuadramentu legal ba protesaun sítiu istóriku iha territóriu.

Ministru Justisa, Manuel Carcerés da Costa mós marka prezensa hodi asina legalizasaun ba akordu  nota entendimentu ne’e sei fasilita di’ak liután labarik sira ne’ebé sai vítima ba violénsia sexuál durante funu, maibé to’o ohin seidauk hetan sertidaun moris (Sertidaun RDTL).

“Estadu rekoñese labarik sira nia diretu. Se maluk timoroan sira maka lori labarik sira hanesan ne’e ba rejistu iha diresaun nasionál rejistu notariadu la simu favor kontaktu ba ha’u,” afirma Ministru Manuel Cárceres  iha nia diskursu.

Jornalista           : Agapito dos Santos

Editór                 : Francisco Simões

HAKEREK NO HATÁN

Please enter your comment!
Please enter your name here