Prezidente Repúblika, Francisco Guterres Lú Olo. Imajen António Goncalves

LIQUIÇÁ, 5 jullu 2019 (TATOLI)—Prezidente Repúblika (PR), Francisco Guterres ‘Lú Olo’, sei partisipa fúnebre saudozu Jaime Ribeiro alias Samba-Sembilan iha Jardim dos Herois Metinaro.

Loloos ne’e, Prezidente Repúblika, Francisco Guterres ‘Lú Olo’ presta omenajén ikus ba saudozu iha rezidénsia Ulmera, maibé kansela derepente, tanba foin fila hosi tratamentu saúde hosi Malázia.

Sekretáriu Estadu ba Asuntu Kombatetente Libertasaun Nasionál, Gil da Costa Monteiro ‘Oan Soru’, simu informasaun hosi Gabinete Prezidénsia Repúblika katak Xefe Estadu sei presta omenájen iha Metinaro, sábadu (6/7).

“Ha’u foin simu informasaun iha minutu ida ka rua liu-ba katak aban senõr Prezidente Repúblika mós sei partisipa,”  governante ne’e informa ba jornalista sira iha Ulmera, Postu Bazartete, Munisípiu Liquiçá, ohin.

Oan Soru informa, seremónia fúnebre saudozu Samba iha Jardim dos Herois Metinaro ne’e sei partisipa hosi membru Parlamentu, membru Governu, veteranu, juventude rezisténsia no populasaun.

Tuir ajénda ne’ebé Agência TATOLI fó-sai ona katak mate-isin sai hosi rezidénsia Ulmera, sei ba iha Komité Sentrál FRETILIN (CCF-sigla portugés) hodi halo última omenájen no kontinua ba fatin deskansa ikus iha Metinaro.

Jornalista: Evaristo Soares Martins

Editór: Xisto Freitas

HAKEREK NO HATÁN

Please enter your comment!
Please enter your name here