Prezidente Autoridade Rejiaun Administrativa Espesiál Oe-Cusse Ambeno (RAEOA), Mari Alkatiri. Imajen/Egas Cristovão

LIQUIÇÁ, 5 jullu 2019 (TATOLI)—Sekretáriu Jerál FRETILIN, Marí Alkatiri, hateten Komandante Jaime Ribeiro alias Samba-Sembilan ema ne’ebé lutadór no patriota, tanba ne’e iha obrigasaun hamutuk ho família mai hato’o solidariedade ka omenájen.

Sekretáriu Jerál partidu istóriku ne’e husu ba família matebian atu korajen nafatin no husu mós ba oan-ki’ak sira hakmatek no serbí nafatin nasaun ne’e. Nia hatutan, bainhira família ida iha eroi ida, ne’e bele dehan importante tebes.

Iha biban ne’e, líder nasionál ne’e konsidera katak funu na’in sira ne’ebé luta ba libertasaun nasionál abut mai hosi partidu istóriku FRETILIN.

“FRETILIN naturalmente sempre valoriza funu na’in tanba funu na’in sira-nia abut mai hosi FRETILIN,” Sekretáriu Jerál FRETILIN ne’e ba Agência TATOLI, hafoin presta omenájen ba saudozu Jaime Ribeiro alias Samba-Sembilan, iha Ulmera, Postu Bazartete, Munisípiu Liquiçá, sesta ne’e.

Tuir ajenda ne’ebé iha, saudozu nia mate-isin sei lori ba sede Komité Sentrál FRETILIN (CCF-sigla portugés) hodi presta omenájen ikus no hafoin ne’e sei lori ba Jardim dos Herois Metinaro.

“Kuandu família husu ami-nia obrigasaun, ami tenke simu iha CCF tanba saudozu ne’e nia abut mai hosi FRETILIN,” tenik  Marí.

Jornalista: Evaristo Soares Martins

Editór: Xisto Freitas

HAKEREK NO HATÁN

Please enter your comment!
Please enter your name here