Mapa suku sira iha Timor-Leste

AILEU, 05 jullu  2019 (TATOLI)-Oitavu Governu Konstitusionál lideradu husi Primeiru-ministru (PM) Taur Matan Ru´ak sei iha programa lima foka ba kada suku sira iha territóriu laran tomak. Tanba ne´e,  sei tau orsamentu ba iha tinan 2020 hodi bele implementa programa sira ne´e durante mandatu.

“Ha´u husu autoridade postu, suku, lider komunitáriu no komunidade sira atu kontribui bele implementa programa ne’e liliu  iha baze nune’e lori dezenvolvimentu husi baze ba nasionál  ho di’ak,” husu PM Taur perante públiku iha ámbitu dialogu ho komunidade Aileu hodi sensibiliza programa prioridade Oitavu Governu ba tinan 2020-2023.

Xefe Ezekutivu governu esplika, programa prioridade lima ne´e mak primeiru PNDS (Planu Nasional Dezenvolvimentu Suku), segundu  mak apoiu ba inan feton sira apoiu fundu ba sira; osan ne’e bele dezenvolve ekonomia família nian, tuir mai mak oinsá kombate violénsia doméstika no malnutrisaun.

“Terseiru  ba joven sira liliu joven Komisaun Polisiamentu Komunitária (KPK), Joven sira ne´ebé apoia iha suku sira. Grupu joven sira iha Funsaun tolu de’it; seguransa, limpeza no ekonomia,” hatutan PM Taur.

Tuir Taur, saida mak joven sira halo obrigada para organiza aan, ba joven hotu ne’ebé iha suku, nia bele hamutuk. Kuartu ba ferik no katuas ka uma lisan adat sira. Ninia modelu hanesan ho programa rua ba inan feton ho joven, kintu Programa OPS (Ofisiál Polísia Suku) bele halo uma ba sira tanba durante ne’e sira hala’o serbisu di’ak iha suku laran.

“Ita sei tau orsamentu $10 mil kada suku iha tinan oin oinsa bele utiliza fundu ne’ebe iha (modal), programa ne’ebé iha, bele hala’o programa hirak ne’e, maibé iha mekanizmu,”garante xefe ezekutivu ne´e.

Lee mós notísia: http://www.tatoli.tl/2019/07/governu-planea-sei-harii-uma-unidade-2000-4000-iha-tinan-oin/?fbclid=IwAR2UOWJSWWBHkdV9wDLrnLltgwtM7FxYZ2HS4EI89v80m6TlTvXweGYzOXY

Jornalista        : Nelson de Sousa

Editór              : Rafy Belo

HAKEREK NO HATÁN

Please enter your comment!
Please enter your name here