Kafé Timór. Imajen/Google.

ERMERA, 05 jullu 2019 (TATOLI)-Povu agrikultór Munisípiu Ermera preokupa ho folin kafé tanba ne’e  atu husu governu atu  padroniza (standard-inglés) folin kafé iha merkadu.

Feliciano Soares nu’udar Komunidade ida konsidera katak Ermera poténsia ba kafé maibé, tuir nia, empreza sira esplora folin kafé nune’e folin kafé laduun di’ak iha merkadu.

“Tanba ne’e husu ba governu atu padroniza folin Kafé iha merkadu,” hateten komunidade ne’e perante publiku ba Primeiru-Ministru Taur Matan Ruak bainhira fahe informasaun kona-ba programa planu prioridade governu ba tinan 2020-2023, iha Ermera.

Nune’e mós, Marinho da Costa sente triste ho folin Kafé ne’ebé ohin loron laduun di’ak kompara ho tempu uluk tanba ne’e husu mós ba na’in ulun sira atu haree kestaun ne’e.

Hatan ba kestaun ne’e, Primeriu Ministru (PM) Taur Matan Ruak husu ba povu agrikultór Ermera atu kalma tanba folin kafé sei di’ak iha tempu oin mai.

“Kafé Timór nian mais komoditi orgániku di’ak iha mundu. Ita presiza mak oinsa atu reabilita Kafé ne’ebé tuan no kuda foun tanba ne’e Oitavu governu kontinua tau prioridade ba ida ne’e,” kompromete PM Taur Matan Ruak.

Jornalista :Nelson de Sousa
Editór. : Rafy Belo

HAKEREK NO HATÁN

Please enter your comment!
Please enter your name here