Prezidente Tribunál Rekursu, Deolindo dos Santos. Imajen Tatoli/Egas Cristovão

LIQUIÇÁ, 3 junu 2019 (TATOLI)—Prezidente Tribunál Rekursu (PTR), Deolindo dos Santos, presta omenájen ikus ba saudozu Jaime Ribeiro alias Samba-Sembilan (9) iha Suku Ulmera, Postu Bazartete, Munisípiu Liquiçá, ohin.

PTR dehan, saudozu hanesan eroi ida ne’ebé fó kontribuisaun boot ba rai ki’ik-oan ne’e sai nasaun independente, maibe Maromak nia hakarak, nia tenke husik ona ema hotu.

“Tanba ne’e, ha’u hanesan Prezidente Tribunál Rekursu ho família boot Tribunál Rekursu nian mai husik hela ami-nia sentidu kondolénsia ba saudozu, tanba veteranu ne’ebé sai ezemplu ba ita no ba futuru halo nusa mak ita bele kaer prinsípiu luta sira ne’e,” Deolindo dos Santos ba Agência TATOLI, ohin.

“Ita ho esperansa ida boot katak maski nia laiha ona maibé nia prinsípiu ita halo tuir no kontinua nafatin ba futuru atu dezenvolve nasaun ne’e di’ak liu-tan,” nia salienta.

Prezensa PTR, Deolindo dos Santos, akompaña hosi ekipa Tribunál Rekursu tomak. Iha parte seluk, Ministru Obra Publika, Salvador Pires, Ministra Solidariedade Sosiál no Inkluzaun, Armanda Berta, Sekretáriu Estadu Kooperativa, Arsénio Pereira, hato’o mós omenájen ba saudozu Samba-Sembilan.

Jornalista: Evaristo Soares Martins

Editór: Xisto Freitas

HAKEREK NO HATÁN

Please enter your comment!
Please enter your name here