Ministra Finansa ein ezersísiu, Sara Lobo Brites. Imajen/Egas Cristovão

DILI, 04 jullu 2019 (TATOLI)—Enkontru Timor-Leste ho Parseiru Dezenvolvimentu (TLDPM-sigla inglés) iha loron ikus nian, ohin, aposta kometimentu husi nasaun parseiru atu kontinua apoia Timor-Leste nia dezenvolvimentu.

“Parseiru dezenvolvimentu 15 mak halo sira nian deklarasaun fó apoiu ba ita nian polítika ne’ebé ita define iha ita nian dokumentu dezenvolvimentu nasionál,” hateten Ministra Finansa ein Ezersísiu,   Sara Lobo Brites, ba ajénsia TATOLI hafoin termina enkontru TLDPM iha salaun Ministériu Finansa, ohin.

Sara Lobo Brites,  fó sasin katak, reuniaun ne’e lao di’ak tebes  no iha proposta lubuk ida para  husu Timor- Leste  atu halo ho reuniaun sira hanesan TLDPM la’ós de’it para halo tinan-tinan, maibé bele halo  mos reuniaun ida hanesan  regular, hodi haree liu  ba área sektorál no área temátika sira.

Parseiru dezenvolvimentu sira mós rekomenda atu reuniaun ne’e bele halo fulan tolu dala ida. Nune’e, Governu Timor-Leste hola pozisaun hodi konkorda ho rekomendasaun ne’e atu halo reuniaun ne’e iha fulan tolu-tolu  para bele haree iha liña setoriais no temátika sira.

“Parseiru sira fo apoiu tebes ita nia polítika ne’ebé defini tiha ona no ita katak sira nian apoia ne’ebé maka mai ita tenke liuhusi ministériu negósiu estranjeiru no tenke liu husi ministériu finansas,” hateten Sara Lobo.

Nia hatutan, parseiru sira nia apoiu ne’ebé maka mai tenke alínea ho programa governu ne’ebé sira hotu-hotu kontente.

“Liuhusi enkontru sira ne’e, sira bele halo reuniaun direita ho primeiru ministru, ministru sira, tanba ne’e nasaun parseiru sira sente kontente tebes,” hateten Sara Lobo.

Jornalista      : Natalino Costa

Editór             : Francisco Simões

HAKEREK NO HATÁN

Please enter your comment!
Please enter your name here