DILI, 04 jullu 2019 (TATOLI)-Ministru Negósiu Estrajeiru no Kooperasaun, Dionísio Babo Soares hasoru malu ho diplomata na’in rua nulu husi nasaun membru Organizasaun Sudeste Aziátiku (ASEAN-sigla inglés), iha Bandar Seri Begawan, Brunei Darussalam.

Liuhusi komunikadu ne’ebé jornalista TATOLI asesu iha kinta (04/05/2019) katak Ministru Negósiu Estrajeiru no Kooperasaun Timor-Leste, Dionísio Babo Soares hasoru malu diplomata nasaun membru ASEAN nian na’in 20 inklui embaixadór sira husi nasaun sira seluk.

Liuhusi enkontru ho diplomata nasaun rua nulu no diplomata nasaun sira seluk, Diplomata timoroan, Dionísio Babo fahe informasaun kona-ba ba polítika no komprimísiu estadu no governu Timor-Leste nian atu sai membru ASEAN.

Eventu ne’e rasik organiza husi Embaixada Repúblika Demokrátika iha Brunei Darussalam.

Alende ida ne’e, antes ne’e mós, iha loron 3 fulan jullu ne’e, MNEK Dionísio Babo Soares enkontru kortezia ho nia omologu husi Brunei Darussalam.

Iha okazisaun ne’e, Ministru Negósiu Timor-Leste, Dionísio Soares Babo hasoru malu ho Majestade Sultaun Haji Hassanah Bolkiah Mu’izzaddin Waddaulah Ibni Al-marhum Sultan Haji Oma ‘Alih Saifudden Aiddien Sultan no Yang di-pertuan Brunei Darrussalam.

Majestade ne’e nu’udar sultaun ne’e nu’udar Primeiru-ministru, Xefe Estadu no Ministru Negósiu Brunei Darussalam nian.

Jornalista :Natalino Costa
Editór. : Rafy Belo

HAKEREK NO HATÁN

Please enter your comment!
Please enter your name here